Beldui Txakolina upeltegiak ardoaren kultura pinturarekin nahastuko du bere gidatutako bisitaldietan. Horretarako abian jarri du “Esadazu koloreekin” izeneko ekimena. 116 x 90 zentimetroko mihise handia jarri da eta bertan bisitariek ardoak eragiten dizkien emozioak adierazi ahal izango dituzte. “Enologia eta artea fusionatzeko modu bat da, jolas-modu bat, eta horrela Aialdeko txakolina sustatu”, adierazi du Rosa Segurolak, Beldui Txakolina upeltegiaren arduradunetako batek.
Bisitariek bere sentsazioak mihise batean irudikatu ahal izango dute
Mihisea upeltegiaren jantokian dago eta “bisitariek ibilaldia betetzen dutenean, nahi dutena pintatu ahal izango dute bertan, betiere mahastiarekin edo gidatutako bisitaldiarekin berarekin erlazionaturik badago”, azaldu du. Koadroa osatzen denean, upeltegiaren barruan jarriko da erakusgai.
Bisitaldi hauek irailera arte egin ahal izango dira 7 euroren truke. Erreserbak posta elektronikoaren bidez adostu daitezke: Helbide elektroniko honek spam bot-en kontrako babesa du. Ikusteko Javascript-a aktibatu behar duzu , edo 94 672 81 48 telefonora deituta.
